ჩვენს შესახებ

ხარისხის საკონსულტაციო ჯგუფი წარმოადგენს პირველადი ჯანდაცვის პროფესიონალი ექსპერტების ასოციაციას, რომლის მიზანიცაა პირველად ჯანდაცვაში სამედიცინო მომსახურების ხარისხისა და ეფექტურობის გაუმჯობესება. აღნიშნული მიზნის მისაღწევად „ხარისხის საკონსულტაციო ჯგუფი“ თანამშრომლობს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან, საერთაშორისო დონორებთან, სამედიცინო ასოციაციებთან, გასაუმჯობესებელი სფეროების იდენტიფიცირების, გაუმჯობესების სტრატეგიების განსაზღვრისა და შესაბამისი ცვლილებების განხორციელების მიზნით. ხარისხის საკონსულტაციო ჯგუფის ექსპერტები რეგულარულად არიან ჩართული საქართველოს პირველადი ჯანდაცვის სისტემაში მიმდინარე პროექტებში, რომლებიც მიზნად ისახავს პირველადი ჯანდაცვის სამედიცინო სერვისების ხარისხის და ეფექტურობის გაუმჯობესებას. ხარისხის საკონსულტაციო ჯგუფი რეგულარულად უწევს ექსპერტულ დახმარებას ჯანდაცვის სამინისტროს პირველად ჯანდაცვაში პოლიტიკის, რეგულაციების, ადამიანური რესურსის მართვის საკითხების გადაჭრის კუთხით.